ОСМОНУ ДАШТ

ТАШРИФ

voristj — Tue, 23 Aug 2011 12:09:31 +0000

Он шаб

Хадиси ишк ба лаб

Хаворо бо атри нафас пур кард.

Завраки таронаро ба мавчи садо андохт.

Пасон бичархиду бираксид

Ва пардаи харири зулматро

ба нури бода барафрухт.

Он шаб шаби мо буд

Бе фикр,

Бе хиёл

Тарона мехондем, мераксидем.

Гуи муъчизае рух дод

Пайгоми бедарди ливо афрошт.

Аммо

Сапедадам

Суфраи холии Зулайхо ёдам омад

Яъне

Боз гам,

гам,

гам омад.

Дигар бор

Зулайхои хасрат

Бармехезад

Ва дар зулмати танхои

Нури бода меборад.

ХИЧРАТ

voristj — Tue, 23 Aug 2011 11:24:19 +0000

Соате туфонист

Зиндаги киштии осоиш нест.

Мохиёни талаб аз манзили амн

Ру ба дарёи тафохум рафтанд.

Соате туфонист,

Киштии Нухи дигар нопайдо

Сар ба гавгои киёмат мардум

Талаби отифа берун рафтанд.

Ошноён хама бегонасифат

Хушёрон хама девонасифат

Сар бароварда зи амвочи ситам

Хори ин машгала дилхун рафтанд.

Соате туфонист,

Кул хуваллоху ахад, эй мардум,

Хама ачдоди шумо чун Мансур

Бо дилу дидаи мафтун рафтанд.

Ман ба гирдоби нахангам, Ё ХУ,

Ку наханге, ки маро хона барад?!

Ё нахангон зи дами сели бало

Сар бароварда зи Чайхун рафтанд.

ХУШДОР

voristj — Fri, 22 Jul 2011 08:52:15 +0000

Вакте бод хамсадои шаголон аст

Дар ин води хукумати кахтист.

Вакте борон ояти шукуфтан нест

Дар ин води шахомати сахтист.

Вакте кух умре качпахлуст

Дар пахлуш бахти мо хоб аст.

Рудхои зулол гаркоб аст

Гардиши зиндагони гирдоб аст.

Вакте ишк дидаи кур аст

По нигах дор он тараф гур аст.

Бенамак нест файзи дастархон

Оби чашми мардумон шур аст.

Рохи мо гар то ба он кух аст

Чашми мо шишахои андух аст.

Вакте мард пушти бедард аст

Химати кух баробари гард аст.

Мард кай марду кух кай кух аст

Кух чун коху мард номард аст.

Ин хакикат, ки мешавад такоро

Во ачаб, кас намешавад бедор.

Вакте дашт хуни лола руёнад,

Барад он лолахову гуронад.

Абрхо гашта чодари мотам,

Богро аз кафан наруёнад.

Мешавад миллате кафан бар душ,

Меравад миллате Ватан бар душ…

Осон нест

voristj — Thu, 21 Apr 2011 05:50:46 +0000

Ин Ватан, ки хамон Хуросон нест.

Зистан барои точик осон нест,

Кардаанд чун варо табартаќсим,

Таќсиме, ки нишони эхсон нест.

Пора-пора бурида шуд ин дил,

Во ачаб, холи хеш пурсон нест.

Рафта бар хоби маст ин мардум,

Хоби сахте, вале харосон нест.

Мўкиёнхо ба чилва дар хар сў,

Бонги ишќ аст, аз хурўсон нест.

Зиндаги ранг-ранг менозад,

Нози точик, валекин осон нест…

Як газал

voristj — Fri, 08 Apr 2011 12:06:23 +0000

Дар дили ман гиря дорад хуни ман,

Суи Лайло меравад, Мачнуни ман.

Дар масири дашти андуху бало,

Чашмахо меруяд аз мазмуни ман.

Дар тани шамъе, ки месузад маро,

Захмхое монда аз нохуни ман.

Эй, ки мепурси нишони хонаам,

Як назар андоз бар хомуни ман.

Чомае афсурдаву чисме хароб,

Пок мешуяд маро собуни ман.

НАВРУЗИ ДИГАР

voristj — Fri, 25 Mar 2011 11:15:29 +0000

Ман дар масири дидор бо Навруз ва тамошои он худро дар пои хоре шикастам. Ба дилам гуфтам, дар пои хор бирез ва онро сабз кун. Садои Худоро шунидам, ки мегуфт: «Иннал инсона лафи хусрин». Дар ин вожањо ќомати таманнои сабрро гиристам ва гулвожаи ташаккурро дар гулистони ИШК буидам.

Дар миёни анбухи мардум танхо будан сангин аст. Аммо ин издихом бо Навруз шоди мекунад. Гамашро, дардашро ба Навруз намегуяд. Дигар чї њам кунад, осмон баланду замин сахт.

Дар мурдоби дуруг, риё, макру найранг гаркем. Ишк алайхиссаломро кайхост, ки фаромуш кардаем. ОДАТ моро мекушад. Барк хам надорем. Факат чароги Худо бедарег аз шох то гадо нур мепошад. Ба хама баробар, одилонаю мехрубонона.

Бегонаги девонаги мекунад. Мо натанхо ба хамдигар, балки ба худамон бегона мешавем. Оташи шубха, хусумат ва нафрат бунёдамонро месузад. Дар шахри танг, дехи танг, кишвари танг вакти рох рафтан китфхо бо хам мечанганд. На танхо сархо, хатто китфхо акнун табака доранд. Мо хам табакабанди шудем. Табакаи ноф, табакаи ишкам, табакаи сина, табакаи гардан…

Фикрамон хам ба табака банд аст. Мо акнун каллаи бисёр дорем, аниктараш моро табакабанди ба калабандї овардааст. Калаи ноф ба таври худ фикр мекунаду калаи ишкам ба таври худ. Калаи сина аз тарси он, ки мабодо калаи гардан ба боляш наафтад хамеша мисли барги сафедор меларзад.

Чи гуна аз ин мурдоб рањо шавем? Чи гуна худро аз зиндони табаќахову калахо берун андозем. Дар он берун чи гап бошад? Шояд ба Худо нома нависем? Шояд, вале он номаеро, ки Худо ба мо фиристода буд, оё хондаем?

Шере аз маргзоре гузар мекард. Он чо рамаи гусфандон мечариданд. Чашмаш ба шербачае афтод, ки хамрохи баррахо мебозаду метозад. Хайрон шуду наърае кашид. Гусфандон аз тарс рохи гурезро пеш гирифтанд. Он шербача хам ларзону харосон ру ба гурез ниход. Шери муттахайир бо тамоми неру давида он шербачаро дошт. Вакте насабашро пурсид, гуфт баррае хастам, аз авлоди гусфандон. Шери ба газабомада фарёд зад: – На, ту бачаи шери. Баъд ба назди чашмае бурда дар оинаи он чехраашро нишон дод. Шербача чун симои худро дар об дид, ба хайячон омад ва наърае зада аз шинохти худ дарак дод.

Шояд мо хам ба назди чашмаи ИШК алайхиссалом равем, дар он шустушу кунем, табаќахову калахоро бишканем ва бигуем: «Иннал инсона лафи хусрин».

ДИЛ

voristj — Wed, 16 Mar 2011 07:20:37 +0000

Салом!

Дил бехтарин хамсухбати ман аст. Бори гам, дард, шодиву нишоти маро самимона мепазирад. Ишки ман, мехри ман, садои маро дар худ нихон дорад. Дар хонаи дили ман чевоне пур аз китоб аст. Хамаи онхо аз зиндагии ман кисса мекунанд. Яке китоби ИШК, дигаре китоби ДАРД, савуми китоби ИМОН, чоруми китоби САОДАТ, панљум китоби ГУНОХ, шашум китоби САВОБ… Чилди китоби ИШК сабз аст, ранги китоби ДАРД зард, китоби ИМОН бошад бо ранги сурхи рушан медурахшад, вале чо-чо хатхои шикастаи сиёхранг дорад. Китоби САОДАТ ранги осмони дошта бо догхои зулоли катрахои борон омехта ба назар мерасад. Аз китобхои ГУНОХУ САВОБ чизе намегуям.

Дар поёни боги дилам даште хаст. Дар миёни дашт санге ва аз канори он чашмае чорист. Он чо гурге хона дорад. Садои зузааш хамеша дар гушхоям акс меандозад.

Дар шохи санавбари боги дилам кабутаре лона дорад. Вакте пар мекашад чашмонам аз тамошояш сер намешавад.

Аммо имруз хавои дилам абрист. Борон меборад. Гург зуза мекашад. Кабутар дар лонаи ру ба худояш орамидааст. Дар китобхона чуз худам касе нест. Хавсалаи китобхони надорам. Дилам дар худам намегунчад, худам дар дунё. Дар тангное афтодаам. Буѓзе дар гулуям нишастааст. Аз кадом гушаи хотираам ин байти Бедил пайдо мешавад:

Нола то нафас дуздид ман ба сурма хобидам,

Кард шамъи ин махфил догам аз чудоихо.

Ба худам меандешам, ба одамон, ба зиндаги. Бемехри, дуруг, фиреб, бепарвои, бетарахуми… мисли губоре хавои андешаамро фаро мегирад. Буѓз дар гулуям мешиканад ва аз шохсори магзам ин газал ба сурогам меояд:

Ин абрхои сухта борон намешавад,

Хар шом гамгусори гарибон намешавад.

Ин боѓсори кист, ки урён гаштааст,

Боди хазон атри гиребон намешавад.

Оина аз дуруѓ чи зангор бастааст,

Хуршеди пушти парда намоён намешавад.

Ин хокро бубези агар рузу моху сол,

Хосил, ки горат аст фаровон намешавад.

Мардум чу хезум асту оташ гирифтааст,

Иброхиме кучост, ки дар он намешавад.

Ишк аст боги мехр в-агар нест богбон,

Ин богро ки гуфт биёбон намешавад.

Наврузи хуб ё…

voristj — Sat, 12 Mar 2011 07:28:39 +0000

(Барои андеша)

Салом! Навруз меояд. Дунё сабзу муаттар мешавад. Худованд бо рахмати худ табиатро аз нав эхё мекунад. Наврузро фоли нек мегуянд. Нек-хуб, зебо, хайр. Худои мо, ки Худои зебоихост, Худои хубихост, Худои хайру баракат аст моро хамасола бо ин эхёи хуби табиат саршор мекунад. Мо зебоиро , хубиро, хайру баракатро мебинему эхсос мекунем. Худованд моро зотан барои хуб будан, барои зебо будан, дар хайр зистан офаридааст. Агар бадие аз мо сар зад аксуламалашро мебинем. Чаро ки мо бо бади созгор нестем. Вале ачиб он аст, ки Наврузи нек, Наврузи хуб, Наврузи зеборо бо амале мехохем бад кунем ва ачибтар он аст, ки ин бадро мехохем суннати нек чилва дихем. Руи сухан дар бораи бузкашист.

Бо фаро расидани Наврузи хуб дар тамоми чумхури маросими бузкаши баргузор мегардад. Бузхои бечораро сар мезананд ва лошаашро саворони аспхои чавмаст ба кашокаш меандозанд. Лошаи бузи бечораро он кадар мекашанд, ки ягон чои ободаш намемонад. Издихоми мардум ба тамошо меоянд, карсак мезананд, пой мекубанд, ба вачд меоянд, шодди мекунанд. Дар миёни онхо олим, шоир, мансабдор, мулло, эшон…гохе тамошогару гохе човандозанд. Онхо аз ин вахшигари, зишти, бади он кадар махмур, маст ва рохат мекунанд, ки ба тасавур намегунчад.

Одам – ашрафи махлукот, халифаи Худо аз мулокот, хайр ва хубии Офаридгор мегурезад ва бо шайтон меомезад. Аз азоб ва ситам бар лошаи як хайвони бегунох вахшиёна лаззат мебарад. Барои ин кори нангин сармояи зиёде масраф мекунад, то бадиро ба тамошо гузорад. Шояд дар тафаккури одами асри бистуяк намегунчад, ки дар кураи замин, дар Осиёи Маркази, дар Точикистон чунин хуи дарандаги, маслукбози вучуд дорад. Аммо онхое хам, ки ин бадро мешиносанд мухри хомуши бар лаб доранд. Чаро ки лаб кушодан хатар дорад.

Баъзан чунин ба назар мерасад, ки тафаккури точик хамеша осебпазир будааст. Бо бади зуд созиш мекунад. Бадиро мепазирад. Ба тахмилгарони бади, ки ишкро, маърифатро аз магзаш мезудоянд сари таъзим фуруд меорад…

Наврузи нек, хуб, зебо…меояд. Хуш ба холи онон, ки аз хуби бахра мебардоранд, ба хуби меандешанд ва зиндагиашонро ба сахнаи бузкаши табдил намедиханд…

Бахор

voristj — Fri, 11 Mar 2011 04:21:40 +0000

Дуруд ба азизоне, ки хангоми узлати ин камтарин ба блоги ин чониб сар заданд ва ба холигии он тахаммул карданд. Ба хамаи шумо Наврузро табрик мегуям ва ин огози сабзу муаттарро бароятон бехин хадяи илохи медонам. Бар расми армугон бароятон шеъре овардам бо умеди тавфик ва дуо.

Чашма мижгон бардошт

Ба тамошо биншаст.

Оби чу чилваи имон овард.

Вахми сабзе ба намози сахари зохир шуд

Боги мо ранг овард

Боги мо тохир шуд.

Руи як ханда диле овардам

Як садо имоне.

Чени як буса вафо мехохам

Ту, агар хохи, бахш.

Руи як ханда бахоре дорам

Чени як бог висол

Ва ба саршории як чашма пурам

Ба намози сари сол.

گرگ

voristj — Tue, 06 Jul 2010 13:47:34 +0000

سلام! در وادی گرگان هر روز قربانی می کنند. نه تنها بوز و گسفند و گاومیش و گوزن…، بلکه گران نیز همدیگر را می درند و می خورند. آن جا باشندگان با همدیگر با چشم ترس ، حرص و شهوت می نگرند. ناخون، دندان، چشم و شکم گرگ مثل ناخون، دندان، چشم و شکم آدم است.
گرگ ها هم دوست می دارند، وقتی شکمش سیر و شهوتش به حرکت می آید. وقتی گرسنه باشند ، عشقشان روی دیگر داردو زوزه اشان آهنگ خون را می نوازد، وادی را دهشت فرا می گیرد.
چینی ها سالهارا منصوب خزنده و چرنده و پرنده و درنده کرده اند. اما در این میان گرگ نیست. حکمتش را نمی دانم ولی می گویند «آدم به آدم گرگ است». اگر این مقاله را چپ گردانیم نتیجه » گرگ به گرگ آدم است» می شود.
ما به همدیگر با چشم گرگانه می نگریم، با حرص گرگانه می اندیشیم، باشهوت گرگانه لذت بردن می خواهیم. «گرگزاده عاقبت گرگ شود …».
عشق علیه السلام را فراموش کرده ایم، هرچند گرد این نام می چرخیم و از خود عاشق می تراشیم. به زن، به فرزند، به همسایه، به زیردست و کار افتاده، به بیمار ، به شاگرد… ب چشم گرگانه می نگریم. آه، این گرگ چه قدر به ما مانند است، گرگانه زیستن هم سخت و سنگین.
… اما شاید گرگان متمدن تر از آدمان هستند. آنها در مسیر خوردن و زندگی کردن آزادی و حقیقت را بالاتر از همه چیز می گذارند. هر گله گرگان پیشوای خودرا دارد. این پیشوا برای نظام، خوراک، دفاع و زیاد کردن سرشمار گله مسئول است. آن را گرگان آزادانه انتخاب می کنند، اگر ضعیف و ناتوان شد برکنارش می سازند. چرا که امنیت و سلامت گله برایشان مهم است. حتی برای انتخاب پیشوای ارزنده جان خودرا می بازند.
آدمان هم برای رسیدن به کرسی ای تلاش می ورزند ، حتی از هیچ گونه مبارزه بی عدالتانه رو نمی گردانند. این مبارزه نه به خاطر دست افتاده ای را گرفتن، سر یتیمی را نوازش کردن، دل دردمندی را دوا بخشیدن … بلکه به خاطر پول و قدرت است. آدمان از پول و قدرت لذت می برند.
گرگ ها کتاب نمی خوانند ، شعر نمی نویسند، به تئاتر نمی روند، عالم نمی شوند… اما آزادی، حقیقت و عدالت را پایمال نمی سازند. ما چه؟… پس از روی عدالت بگوئید، کدامین متمدنتر است؟!
ما حریصیم ، با چشمان حرص به همدیگر می نگریم، با مغز حرص فکر می کنیم ، ما بنده حرص شده ایم. از کبر ، از دروغ، از خیانت، از حسودی … سرشاریم.
در زمان های قدیم یک هندوی پیر و خردمند به نبیره خود حقیقت یک اسراری مهم زندگی را باز می کند:
– در وجود هر انسان مبارزه جریان دارد که به جنگ و پرخاش دو گرگ شبیه است. گرگ اول سراپا بدی ، حسد ، کبر و دروغ … گرگ دیگر سراپا نیکی ، عشق، عاطفه ، وفاداری ، حق پرستی.
هندوپسر از این سخنان بابایش سخت متاثیر می شود و لحظه به فکر فرو رفته سپس می پرسد:
باباجان ، نهاید کدامین گرگ پیروز می شود؟!
هندوی پیر به سوی نبیره اش تبسمی می کند و می گوید:
همیشه همان گرگی پیروز می شود که تو آن را پرورش می کنی.